NAGA CITY- Irido an duwang persona makalihis pagbabadilon kan sarong armadong lalaki sa Tamban Port, Tinambac Camarines Sur.
Binisto an mga biktima na sinda Freddie Basallote asin Ana Marie De Leon.
Sa nagunong impormasyon kan Bombo Radyo Naga napag araman na nakatukaw sana sa motorsiklo an mga biktima kan bigla na sanang nag-abot an armadong suspek asin tulos na pinagbabadil an mga ini.
Nagsapo nin lugad sa saindang lawas an mga biktima na tulos idinalagan sa ospital tanganing ipabulong.
Sa ngunian, padagos pang pighahanap kan mga otoridad an nakadulag na suspetsado.
