NAGA CITY – Nakapagrehistro nin duwang kaso kan Dengue sa Barangay Tabuco, Naga City.
Sa entrevista kan Bombo Radyo Naga ki Elisa Carmona, Kapitan kan nasambitan ng barangay, pigsaysay kaini na padagos an saindang paglilinig sa saindang barangay.
Kasaunod ini kan dae naman soboot pigrerekomendar an pagsagibo nin fogging nin huli ta nagraralayog an mga lamok asin kun saen nanaman mabalyo nin lugar hasta sa magsugok liwat.
Komo interbensyon digdi, pig-uula soboot kan mga residentes sa kale an mga nagamit na nindang lana.
Mientrastanto, duwang kaso man nin Dengue an nairehistro sa saindang barangay partikulamente na sa Zone 6 asin Zone 1.
Sa ngunyan, liwat man pig-enkaminar ni Carmona an saiyang mga nasasakupan na siertohong malinig an saindang harong asin an saindang kapalibutan tanganing malikayan an siring na helang.
