NAGA CITY- Arestado kan mga kapulisan an duwang persona makalihis na makuanan nin mga badil sa ginibong operasyon sa Guinayangan, Quezon.
Enot suboot na isinerbi kan mga otoridad an search warrant sa harong kan suspek na si Rodel Desamero, 38-anyos sa barangay Sta Maria.
Nakumpiskar sa saiyang pag-iingat an sarong cal. 357 revolver asin anom na mga bala.
Sunod man na isinerbi an mandamiento de rikisa sa harong kan saro pang suspek na si Almer Asuncion, 42-anyos sa parehong barangay.
Nakumpiskar ki Asuncion an sarong cal. 45 na badil, tolong magazine asin 34 bala.
Sa ngunian, nagtitinir na sa kostudiya kan mga kapulisan an nasambitan ng mga suspek mantang pig-aandam na an kasong isasangat laban sa sainda.
