NAGA CITY– Nagpaparahay pa hasta sa ngonian an apat katao mantang binawian nin buhay an duwang iba pa makalihis maaksidente sa sarong ambulansya sa Barangay. Ayugan, Ocampo Camarines Sur.
Sa entrevista kan Bombo Radyo Naga ki Police Captain Alan Lopez hepe kan Ocampo PNP, sinaysay kaini na lunad an mga biktima kan nasambitan na behikulo kun saen dadarahon kuta na sa ospital an sarong bados na mangangaki na alagad bigla na sanang nakabangga sa puon nin kahoy an lunadan.
Kabale sa mga nagadan an midwife na si Rhodora Labanon asin staff nurse na si Janice Eva mantang iridu man an mga pasahero na kinababalehan kan bados na si Hanela Mendoza asin an tolong iba pa kaibanan an driver.
Segun ki Lopez, marikas an pagpapadalagan sa ambulansya mantang mahalnas an tinampo na pwedeng nagin rason kan aksidente.
Sa ngonian, nagpapadagos pa an imbestigasyon kan mga otoridad sa nasambitan na pangyayari.
