Arestado, an duwang lalaki sa magkasuway na buy-bust operation kan mga otoridad sa Lucena City.
Binisto an mga suspek na sinda alyas Arthuz, 31-anyos, residente kan nasambitan na siyudad asin alyas Nelson, 50-anyos, asin residente kan Sariaya, Quezon.
Sa nagunong impormasyon kan Bombo Radyo Naga sa Quezon Police Provincial Office, napag-araman na matrayumpong nakabakal an sarong poseur buyer nin sarong pidaso kan heat-sealed transparent plastic sachet kan pinagtutubodang shabu gamit P1,000 komo buy bust money.
Sa pigsagibong preventive search kan mga otoridad, narekober pa sa suspek an sarong sling bag na naglalaog nin six 6 na pidaso kan heat-sealed transparent plastic bag na naglalaog kan ipinagbabawal na bulong, sarong pidaso kan caliber .45 pistol, sarong Caliber .45 Magazine asin anom na pidaso kan caliber .45 live ammunitions.
An narekober gikan sa suspek an igwa nin kabilogang 7 na sachet kan pigtutubudang shabu na may gabat na poco mas munes na 31 gramo na pigkakarkulng nagkakantidad nin P632,400.
Sa kasuway na operasyon, naarestar man an saro pang lalaki na binistong si alyas Nelson sa Brgy. Domoit, sa nasambitan siyudad. Narekober man sa suspek an nasa poco mas o menus 65 grams asin nagkakantidad nin nasa P1,326,000.
Sa kabuuan, nasa P1,958,400 an nakumpiskar na iligal na droga kan mga otoridad sa kaparehong siyudad.
Mientrastanto, an mga nasambitan ng suspek an pigkokonsiderar komo High Value Individual.
Sa ngunyan, nasa kustodiya na kan mga otoridad an nasambitan ng mga suspek para sa magkakanigong disposisyon.
