NAGA CITY- Duwang menor de edad an nirescue kan mga otoridad makalihis soboot ikandado kan mismong ina sa laog kan harong sa Barangay San Felipe, Naga City.
Sa entrevista kan Bombo Radyo Naga ki PMaj. Ariel Blanco, Station Commander kan Naga City Police Office (NCPO)-Station 3, sinaysay kaining may nagpa-abot sa saindang impormasyon na may duwang aki na nakulong sa laog kan sarong nakakandadong harong sa nasambitan ng barangay. Katakod kaini, tulos man na nagresponde an kapulisan asin naabutan digdi an 2 asin 3-anyos na mga aki.
Sa inisyal na imbestigasyon, sa pakikipag-ulay soboot ninda sa ina kan mga aki, sinaysay kaining nagpasiring siya sa Bicol Medical Center huli sa pigmamateng helang.
Mayo soboot nin mabantay sa mga aki huli ta nagtatrabaho sa Maynila an agom kaini kung kaya pigbayaan niya sa harong an mga aki asin ikinandado. Sa ibong na lago, pinatanidan kan mga otoridad an ina na sa oras na utrohon pa kaini an insidente, mahahampang na ini sa maninigong kaso.
