NAGA CITY– Sa kulungan an bagsak kan duwang Nigerian National na pigtutukdong supplier kan iligal na droga sa operasyon kan Philippine Drug Enforcement Agency (PDEA) CamSur sa Kawit, Cavite.
Binisto an mga suspek na sinda Solomon Lewi Anochiwa, 34 anyos asin Desmond Chima Ozoma, 35-anyos.
Sa entrevista kan Bombo Radyo Naga ki Agent Pongs kan PDEA-CamSur, sinaysay kaini na an nasambitan ng mga suspek an pigtutukdong supplier kan apat na drug personality na enot nang nadakop sa syudad nin Naga kan Nobyembre 4.
Sigon ki Pongs, pigpasairarom ninda sa buy bust an nasambitan ng mga suspek kunsen maabot sa haros sarong kilong pigtutubudang shabu an saindang nabakal sa duwang Nigerian nationals.
Sa ngunian, nagtitinir na sa kustodiya kan PDEA an mga suspek mantang pigpepreparar naman an kasong isusunad kontra sa mga ini.
Kung marurumduman, kinakarkulong maabot sa P6 milyon an kantidad kan iligal na droga na enot nang nasabat kan PDEA-CamaSur sa apat na mga suspek na gikan pa sa Metro Manila asin magdedeliver kuta na sa Naga City kan nakaaging semana.
