NAGA CITY- Irido an duwang persona makalihis na makasalpok an sarong pampasaherong jeep sa kotse sa San Fernando, Camarines Sur.
Binisto an mga biktima na sinda Arcelita Benosa-Samonte, 57-anyos asin si Shiela Mae Cuatro, 18-anyos.
Sa entrevista kan Bombo Radyo Naga ki PS/Insp. Rustom Dela Torre, chief of police kan PNP San Fernando, nagbwelta na kuta sa northbound lane an jeep na minamaneho ni Rafael Bola, 44-anyos makalihis magbaba nin mga pasahero sa parte kan barangay Pamukid kan bigla na sana ining mabangga nin sarong kotse na minamaneho man ni Jeffrey Abendanio, 45-anyos.
Nagsapo nin menor na lugad sa saineang lawas an duwang pasahero kan jeep na tulos man na pigdalagan sa ospital. Sigon ki Dela Torre, igwang ongoing na re-blocking sa lugar kun sain nangyari an aksidente.
Nagpagirumdom man an PNP sa mga motorista na magdoble ingat sa pagmamaneho tanganing makalikay sa mga aksidente sa tinampo.
