NAGA CITY– Dead on arrival an duwang persona makalihis an makusog na banggaan kan motorsiklo asin AB liner Truck bus sa kalabaan kan tinampo sa Barangay Malinao Ibaba, Atimonan, Quezon.
Sa nagunong impormasyon kan Bombo Radyo Naga napag araman na binabagtas kan mga biktima lunad nin motorsiklo an kalabaan kan tinampo sa nasambitan ng lugar kan biglang makabangga an kasabatan kaining AB liner Truck bus na minamaneho ni Albert Caballero, 55 anyos.
Huli sa kusog kan banggaan nagsapo nin lugad sa manlaenlaeng parte kan saiyang lawas an mga biktima na tulos man idinalagan sa ospital alagad ideneklarar na ining dead on arrival kan mga doktor.
Sa ngunian, nagtitinir na man sa kustudiya kan mga otoridad an driver kan truck mantang pinepreparar na man an kasong Reckless Imprudence Resulting in Double Homicide and Damage of Property na isusunad kontra digdi.
Meintrastanto, nagpapadagos pa an imbestigasyon kan mga otoridad manungod sa nasambitan ng insidente.
