NAGA CITY- Irido an duwa katao sa nangyaring pangbabadil sa Sitio Tuminao, Brgy. Beguito Viejo, Libmanan, Camarines Sur.
Binisto an mga biktima na sinda Gerson Del Puso, 49-anyos asin Chito Inocencio, 38-anyos.
Sa entrevista kan Bombo Radyo Naga ki PSupt. Errol Garchitorena, Chief of Police kan Libmanan-PNP, napag-araman na mantang nagkakakan an mga biktima kaibanan an saro pa kaining amigo kan mag-abot an suspek na si Abraham Lopez.
Sa dae pa maaraman na rason, pinagbabaril kaini an mga biktima kunsaen tinamaan an mga ini sa manlaen laen na parte kan saindang lawas.
Pinurbaran kuta nang magdulag kan mga biktima kan nilapag ini kan suspek asin pinaputukan giraray alagad dae na nagputok pa an baril.
Mientrastanto, tulos man na idinagan sa ospital an mga biktima mantang marikas man na nagdulag an suspek nakalihis an nasambitan ng pangyayari.
