Duwang pinay na pig-recruit kan sarong pighihinalaang African drug syndicate tanganing magin drug mule an naisalbar sa Malaysia, sigun sa National Bureau of Investigation (NBI).
Ipighayag ni NBI Director Jaime Santiago an matrayumpo na operasyon kan pagsalbar sa duwang babae na dae na pinangaranan asin nari-repatriate kan nakalihis na Pebrero 5 makalihis an sarong join operation kaibahan an mga awtoridad sa Malaysia.
Sigun ki Santiago, pig-arestar kan Malaysian Police an sarong babaeng courier gikan sa Africa asin nakua gikan sa saiya an 2.3 kilograms kan cocaine.
Nangyari an pag-arestar antes pa maipadara an mga ilegal na droga sa mga Filipina.
Pigtawan-duon ni Santiago, na tanganing mapanagot an mga suspek an nakikipagtabangan ngunyan soboot an duwang nadakop na Pilipina tanganing soboot ma-identify an sindikato.
Pigbida kan ahensiya na an operasyon an resulta kan padagos na imbestigasyon kan NBI mapadapit sa sarong naenot na pag-arestar sa Pasay City, kun saen sarong drug courier an nadakop kan nakalihis na Enero.
Dugang pa ni Santiago na pigtawan nin prayoridad kan NBI an pagsalbar sa duwang Pinay tanganing malikayan an nangyaring insidente siring kan kaso ni Mary Jane Veloso, kun saen saron Filipina man an nahatulan nin kagadan kan nakalihis na taong-2010 huli sa pag-smuggle kan heroin sa Indonesia.
