Duwang prosopwestong ley an pigsunad kan mga quad comm leaders antes magpuon an pagdangog kan komitiba ngunyan na aldaw.
Pigsunad kan mga kongresista an House Bill No. 10968 o an anti-extra judicial killing act na pig-akda ninda senior deputy speaker Aurelio Gonzales, Deputy speaker jayjay suarez, Rep. Robert Ace barber asin Bienvenido Abante, Dan Fernandez asin Stephen Caraps Paduano.
An nasambitan ng prosopwesto sa irarom kan finding asin recommendations kan quad comm na nag-iimbestigar sa EJK sa aid of legislation.
Sa irarom kan prosopwestong ley an EJK i-classify komo heinous crimes asin an mga convicted mahahampang sa magabat na kapadusahan.
Mantang an mga state agent na guilty sa EJK mahahampang sa habang buhay na pagkakakulong.
Nakabugtak man sa ley na an mga pamiya na biktima kan EJK an makakareseber nin tabang gikan sa gobierno.
An prosopwestong Anti-offshore Gaming Operations Act na obhetong institutionalize an total ban kan POGO sa nasyon huli sa koneksiyon kaini sa manlaen-laen na criminal activities asin huma man sa national security.
Pigtukoy kan mga lehislador an pinaka delikadong aktibidad na igwang koneksiyon sa POGO.
Pigtukoy sa nasambitan ng prosopwestong ley an limitadong economicc benefits sa POGO.
An mga mabalgar sa nasambitan ng ley susunadan nin mas mahigot na penalidad asin makukulong nin apat hasta 10 taon asin igwang multa na 10 milyon.
An mga dayuhang empleyado kan POGO mahahampang sa amay na deportation.
Basado sa direktiba ni PBBM dapat mapasarado na an mga POGO antes matapos an taon.
