Aram baya nindo mga ka-bombo, sarong 20-anyos na Taiwanese an naanggot nin labi sa saiyang Ina makalihis na iapon kaini an saiyang paboritong manga collection sa ibong kan saiyang dae pagtugot.
Huli dige, pigsunadan kan lalaki nin kaso an saiyang Ina asin nagsayuma na makipag-ayos digde.
Sigun man sa 64-anyos na Ina kan lalaki, na gikan sa Chiayi City, Taiwan, napano na soboot ini sa ugali kan saiyang aki orog na sa ginigibo kaining pagkolektar nin comics.
Katakod digde, nahiling soboot kaini na an koleksyon kan saiyang aki na Attack on Titan an medyo basa, nagdesisyon na i-recycle tangani man na magkaigwa nin marhay na espasyo.
Dae man kaini pig-check kun an saiyang ginibo an marhay para sa saiyang aki kun kaya kan mahiling kan saiyang aki na nawara an 32 volumes kan saiyang comic collection tolos na naangot ini asin inapod an pulis.
