NAGA CITY- Pigpepreparar na ngunian an kasong isusuand kontra sa duwang drug personality na nadakupan nin bulto-bultong pigtutubudang shabu sa tahaw kan operasyon kan Philippine Drug Enforcement Agency (PDEA) sa banwaan kan Daet, Camarines Norte.
Sa nagunong impormasyon kan Bombo Radyo Naga, napag-araman na nakipagtransaksyon an mga suspek na sinda Jay-ar Quila asin Christian De Vela sa mga otoridad sa laog kan sarong rest house sa Brgy. Magang sa nasambitan ng banwaan.
Dae naman nakapalag an duwa makalihis tulos na arestuhon kan mga otoridad kunsaen narekober sa mga ini an 20 bulto kan pigtutubudang shabu na nagkakantidad nin pokumas humenos P400,000.
Sa ngunian, nagtitinir na sa kustodiya kan mga otiridad an nasambitan ng mga suspek para sa maninigong disposisyon.
