Gadan an nasa 20 katawo makalihis na sinda an pagbabadilon kan mga armadong kalalakihan sa sarong minahan sa Pakistan.
Nilusob kan mga suspek an Junaid Coal Company sa Duki district asin mayong herak na pinagbabadil an mga tawo sa lugar.
Sigun sa nagkapirang mga nakasalbar na naggamit nin mga rocket launchers, granada, asin mga drones an mga suspek.
Magin an saindang mga heavy equipment an sainda man na sinulo.
Mientrastanto, mayo pang grupo an nag-ako sa insidente alagad nagtutubod sinda na Blaoch Liberation Army (BLA) an nagsagibo kan pag-atake siring kan saindang ginibo kan nakalihis na bulan.
