Nagpakol na sa 20 katawo na an naireport na nagadan huli sa pinagsararong epekto kan bagyong Ferdie, Gener asin Habagat.
Sa pinakahuring record kan National Disaster Risk Reduction and Management Council (NDRRMC) kasuodma, siyam an hale sa MIMAROPA, apat sa Western Visayas asin Bangsamoro Autonomous Region sa Muslim Mindanao (BARMM), duwa sa Zamboanga Peninsula o Region 9 asin saro sa Central Visayas o Rehiyon 7.
Piggigibo man ngunyan an validation sa 14 iba pa na naireport na nawawara kun saen 12 an hale sa MIMAROPA mantang tigsaro an hale sa Rehiyon 6 asin 9.
Sa kabilogan, 16,926 na pamilya o katumbas kan 62,995 katawo an nagtitinir sa 618 evacuation centers mantang 8,592 pamilya o 34,265 katawo an nasa luwas kan mga sentro an tinatawan nin asistensya.
Mga 18,000 pamilya an nag-iistar sa 580 evacuation centers sa bilog na nasyon.
