Pigbuyagyag kan Commission Elections (Comelec) an 21 kontratista na soboot nagtao nin donasyon sa mga kandidato para sa saindang kampanya kan nakalihis na 2025 midterm elections.
Sigun ki Comelec Chairman George Erwin Garcia, basado an nasambitan ng impormasyon sa 42,000 Statements of Contributions and Expenditures (SOCEs) na iyong nagsasairarom sa pagsusuri kan saindang legal department.
Nilinaw man kaini na an 21 na kontratista an dae nangangahulugang 21 na kandidato man an imbwelto digde. Soboot, nasa walo an nairehistro nindang dae soboot imbwelto sa pagtatao nin nasambitan ng donasyon.
Sigun ki Garcia, halimbawa na sana igwa talaga nin sarong kandidato nin kadakol na kontratista an nagtatao sa saiya.
Dugang pa kan opisyal, dae maabot sa duwang semana an saindang imbestigasyon asin matatapos na tulos ini mantang sinda naghahalat nin kumpirmasyon gikan sa Department of Public Works and Highways (DPWH).
Mientrastanto, pigsierto man ni Garcia na pag natapos an imbestigasyon tulos man sindang makikipag-koordinar asin mapadara nin surat sa lado kan DPWH tangani sana kumpirmaron kun an mga pangaran na naglataw sa saindang imbestigasyon an talagang kontratista kan gobyerno.
