NAGA CITY-Maabot sa 23 nin proyekto asin programa an pig-aprubaran kan National Economic and Development Authority (NEDA) puon kan magtukaw sa pagka-presidente si President Ferdinand Bongbong Marcos Jr.
Segun ki NEDA Sec. Arsenio Balisacan, kabali na digdi an Philippine Fisheries and Coastal Resiliency project; New Dumaguete Airport Development Project; Mindanao Inclusive Agriculture Development Project asin University of the Philippines-PGH Cancer Center Project.
Paliwanag kan sekretaryo kan nasambitang ahensya, may kabilugan ining ₱749 billion na pondo.
Kasabay kaini, pigsusuri na man kan gobyerno an nasa 185 na Infrastructure Flagship Projects na may pondo na ₱9.54 Trillion o katampad nin nasa 163 billion dollars.
Obheto kan gobyerno na matapos an dakul na numero nin proyekto gikan sa 185 IFPs antes matapos an termino ni PBBM, asin sa presente, labi 60 an ongoing.
