NAGA CITY– Pig-omaw kan National Disaster Risk Reduction and Management Council (NDRRMC) an matrayumpong 24-hour simulation excercise na isinagibo sa ciudad nin Naga.
Sa entrevista ki NDRRMC-Aces. Casiano Monilla, sinaysay kaini na garo sarong ‘comforting effort’ an nasambitan ng aktibidad para sa Metro Manila enkaso magtama man an 7.2 magnitude na linog.
Sigon saiya, nagpapahiling sana ini na preparado nang rumesponde an CamSur asin Naga City urog na sa Taguig City asin Pateros kunsaen an mga ini naka-assign.
Katakod kaini, nag-abiso man si Monilla na ipadagos an pagigin preparado asin magsirbing inspirasyon an aktibidad para maikayan an mga dae piglalaoman na pangyayari kasabay kan mga kalamidad.
Kung marurumduman, kinundusir an 24-hour Simulation Exercise sa Naga City kan nakaaging Hulyo 24 asin 25 na pinaartisiparan kan haros 600 katao hale sa manlaen-laen na grupo kaibanan an Provincial asin City Disaster Risk Reduction and Management Council (PDRRMC).
