Aamyendaran kan Philippine Health Insurance Corporation (PhilHealth) an 24-hours confinement policy kaini o an required minimum hours kan hospitalization o confinement kan emergency outpatients, pag-abot nin Disyembre 2024.
Sigun ki Eli Dino Santos, PhilHealth Executive Vice President asin Chief Operating Officer kan nakalihis na Miyerkules, Oktubre 2, nagigibo na an ahensya kan mga polisiya katakod sa coverage kan emergency outpatient cases na mayong inoobligang minimum number of hours kan hospitalization o confinement.
Pigsaysay ni Santos na sa presente, dae sakop kan Philhealth an confinements na mas hababa sa 24 na oras, apwera sa emergency cases o kun igwang indikasyon na sakop ini huli sa cross-containment asin fraud prevention measures.
