Nadugangan pa an numero kan mga nagadan asin apektado ngunyan kan panalalamasa kan mga magkakasunod na tulong bagyo na Marisol, Nando, asin Opong siringman kan habagat na tumama sa naayony ngunyan sanang bulan nin Setyembre.
Basado sa report gikan sa National Disaster Risk Reduction and Management Council (NDRRMC) ngunyan na Lunes, Setyembre 29, nagpakol na sa 27 an nairehistrong gadan.
Nasa 23 sa gadan an isinasairarom pa sa validation mantang an apat an kumpirmado na. Sigun pa sa ahensiya, presenteng biniberipika man an gabos nin nawawara na nagsakat pa sa 16 mantang nagtitinir man sa 33 an napairehistro na irido sa kalamidad.
Mientrastanto, presenteng apektado man an labi sa 3.4 milyong indibidwal o katampad kan labi sa 906,000 pamilya, kun saen labi sa 106,000 indibidwal an pig ebakwar sa mga evacuation centers.
Nakapagrehistro man an ahensiya nin labi sa 16,000 kaharungan na nadanyaran sa Region 1,2,3, CAR, CALABARZON, Mimaropa, Region 5, 6,9 asin BARMM.
Padagos man an isinasagibong relief operations kan gobyerno sa mga naapektarang kalamidad kabali an pagtatao nin family food packs kan Department of Social Welfare and Development (DSWD).
