Aram baya nindo mga kabombo, gadan an 28-anyos na babae na may helang na cancer bako huli sa saiyang helang, kundi huli sa kagat kan insekto.
Garu ikinabigla kan publiko an report na ini. Napagaraman kaya na si Marissa Laimou sarong Breast cancer survivor, makalihis malampasan ni Marissa an gabos nin pinag-agihang treatments, sa kagat kan insekto palan ini babawian nin buhay.
Si Marissa an gikan sa pamilya kan sarong bistadong Greek shipping dynasty na pirang siglo nang nag-o-operate sa Greece.
Sa London pinangaki asin man nagdakula an daraga, asin man sa US man ini nag adal nin high school asin nagkua nin college degree sa musical theatre.
Makalihis mag-graduate, nagbweltada ini sa London asin man nagtanghal sa entablado, kun saen naeksperyensyahan kaining gumanap komo Juliet sa stage play na Romeo and Juliet. Kan nakalihis sana na Setyembre 19, kan madukayan na sana ining mayo na nin buhay sa saiyang higdaan sa saindang townhouse sa Knightsbridge, Central London.
Isinugod pa ini sa University College London Hospital kan nakalihis na September 10, huli ta nakamati na ini nin pagkahilo, asin halangkaw na kalintutra, sigun sa saiyang mga kaparientes.
Pag abot sa ospital, nagsairarom si Marissa sa mga tests sa patnubay kan mga nurse asin bako kan mga doktor. Nagibo pa soboot kaining magpadara nin message sa sarong amigo nin garu mensahe na “nobody is checking up on me, nobody is coming.” Makalihis an apat na oras, tinawan sana ini nin antibiotics asin pinauli na, dugang pa kan sarong family friend.
Kinaagahan, nadukayan ini kan saiyang kasambahay na mayo nang buhay. Inimbestigaran an saiyang pagkagadan, alagad sinabi kan saiyang pamilya na sa official diagnosis kan mga docktor, “toxic effect of venom” na gikan sa “animal or insect bite” an ikagadan kan nasambitan ng daraga. Huli digde, nagdalamhati man an Greek community sa London huli sa pagkagadan ni Marissa.
Nabanggit man sa latest reports na inaakusaran kan pamilya na nagkaigwa nin kapabayaan an ospital sa pagkagadan ni Marissa.
