28 sachet nin shabu nakumpiskar sa anti-illegal drug ops sa CamNorte

NAGA CITY- Maabot sa 28 sachet na naglalaog nin pinagtutubudang shabu an nakumpiskar kan mga otoridad sa pigkondusir na anti-illegal drug operation sa banwaan nin Daet, Camarines Norte.

Isinerbe kan pinagsarong pwersa kan Daet PNP, Provincial Intelligence Branch asin Philippine Drug Enforcement Agency (PDEA) Bicol an search warrant laban sa mga suspek na sinda Jing-Jing Boayes, 49-anyos asin Airis Boayes, 33-anyos huli sa pagbalgar sa RA 9165 o an Comprehensive Dangerous Drugs Act of 2002.

Digdi na nakumpiskar an 28 sachet na naglalaog nin pinagtutubudang shabu, 20 pidaso nin nakarolyong aluminum foil asin mga drug paraphernalia.

Sa ngonyan, nagtitinir na sa kostudiya kan mga kapulisan an nasambitang mga suspetsado.