NAGA CITY- Gadan an sarong 3-anyos na aking babae makalihis na pusakan nin gapo asin lugusan pa suboot kan dae pa nabibistong suspek sa Tinambac, Camarines Sur.
Sa nakuang impormasyon kan Bombo Radyo Naga, napag-araman na nadukayan na sana an mayo ng buhay na lawas ni Mica Azania sa maduot na parte kan barangay Union na duguan an payo asin mayo ng sulot na pang-ibabang bado.
Enot kaini, pigwalat suboot kan mag-agom na Randy asin Maritess Azania an biktima sa saindang mga kaparyente antes an mga ini naghale para maglawod.
Pagpuli suboot kan mag-agom, dae na ninda mahanap an saindang aki na huring nahiling na nagkakawat sa chapel harani sa saindang harong.
Nadiskobre na sana suboot an lawas ni Mica sa maduot na parte kan nasambitang lugar haros 150 metro an rayo hale sa harong kan mga ini.
Sigon ki PC/Insp. Michelle Estolatan, hale sa Scene of the Crime Operatives (SOCO) Camarines Sur, basado sa resulta kan pigkondusir na autopsy, nagluluwas na napasa suboot an bungo kan aki kan pusakan ini nin matagas na bagay.
Dawa suboot mayong nahiling na sinyales na nilugusan an biktima dae pa suboot hinahale kan PNP an posibilidad na inabuso an nasambitang menor de edad.
