NAGA CITY – Nasa state of decomposition na an hubang lawas kan 3-anyos na aki kan madukayan kan mga otoridad makalihis dokoton soboot kan tugang kan stepfather kaini sa banwaan kan Labo, Camarines Norte.
Sa entrevista kan Bombo Radyo Naga ki PSupt. Juancho Ibis, Chief of Police (COP) kan Labo-PNP, sinaysay kaini na nagkaigwa soboot sinda nin mahewasang paghahanap para masusuog an lugar kunsaen winalat kan suspek na si Alberto Belmonte an biktima.
Enot digdi, sigon ki Ibis, nagkaigwa soboot nin iwal sa pagultanan si Belmonte asin kan tugang kaini na presenteng kasaruan kan ina kan aki kunsaen an biktima an binalusan kaini.
Huri soboot na nahiling si Belmonte na ginuyod an aki asin dinara sa pwerang lugar kan Barangay Masalong.
Sigon ki Ibis, nahaluyan soboot sinda sa paghahanap sa aki huli ta paiba-iba soboot an lugar na pigsasabi kan suspek.
Sa ngunian, sigon ki Ibis pigpepreparar na an kasong murder laban sa suspek mantang pighahalat pa an resulta kan autopsy sa bangkay para maaraman kung positibong nilugusan muna ini antes ginadan.
