NAGA CITY– Arestado an tolo katao kabale na an sarong menor de edad makalihis na maaktuhan na nag-gagamit nin pinapangalad na bulong sa Barangay Gulang-Gulang sa syudad nin Lucena.
Binisto an mga suspek na sinda Simon Oabel, 19-anyos, John Mascariña, 19-anyos, asin sarong menor de edad.
Sa nakuang impormasyon kan Bombo Radyo Naga, napag-araman na nakaresibe nin sumbong an Lucena City PNP dapit sa iligal na aktibidad kan mga nasambitan nang suspek sa lugar.
Igdi na naaktuhan kan mga nagrespondeng pulis an mga suspek mantang nag-gagamit an mga ini nin pinapangalad na bulong na marijuana.
Narekober kan mga otoridad an siyam na sachet nin pigtutubodang alang na dahon nin marijuana.
Nasa kustodiya na kan mga otoridad an mga suspek mantang pinepreparar na an kasong pagbalgar sa RA 9165 o Comprehensive Dangerous Drugs Act of 2002 na isasangat sa mga ini.
