DAE pa masierto kun nuarin matatapos an kaso ni dating Presidente Rodrigo Duterte sa International Criminal Court (ICC) sa The Hague, Netherlands. Pig-esplikar ni Atty.
Si Kaiser Cordero, sarong internasyonal na abogado, na sa irarom kan Article 61 kan Rome Statute, igwa nin tolong posibleng resulta sa pagtatapos kan saiyang pagdangog sa kumpirmasyon kan mga akusasyon ngunyan na Biyernes, Pebrero 27, 2026.
Enot, pwedeng kumpirmaron kan Pre-Trial Chamber an mga akusasyon, asin kun mangyari, mapoon an kaso sa Trial Chamber, kun saen, madeterminaran kun may sala si Duterte na guilty beyond reasonable doubt.
Ikaduwa, dae makumpirmar an mga akusasyon asin babasurahon an kaso asin makakauli na an dating Presidente.
Alagad, igwa pa man giraray nin ikatolong opsyon an ICC na iyo an mag-adjourn asin tawan nin tsansa an piskalya na magpresentar nin dugang na ebidensya.
Nangangahulugan ini na pwede sindang magbwelta asin mag-take-two na may makusog na kaso.
Huli kaini, dae pa pwedeng paluwason si Duterte bakong arog kan ibang kaso na kung kulang an ebidensyan, tulos ining binabasura, alagad sa ICC, igwang tsansa pa an piskalya na ayuson asin pakusugon an saindang kaso.
An pighihiling ngunyan sa Pre-Trial Chamber kun igwa nin “substantial grounds to believe” na nagkaigwa nin krimen asin na nagpartisipar an akusado.
Dugang pa kaini na bako pa ining pinal na hatol nin kasalan o abswelto.
