NAGA CITY- Irido an tolong empleyado kan lokal na gobyerno sa banwaan nin Tinambac, Camarines Sur makalihis pauranan nin bala kan armadong grupo sa Zone 5 Sitio Tigman, Barangay Bagacay.
Pigbisto an mga biktima na sinda Edgardo San Andres, 45-anyos, Elino Teope, 35-anyos asin Nicolas San Agustin III, 24-anyos.
Sa nagunong impormasyon kan Bombo Radyo Naga, napag-araman na mantang nagkokondusir nin checkpoint an mga biktima katakod sa pigpapautob na Municipal Ordinances kan nasambitang LGU kan bigla ining pagbabadilon kan pigkakarkulong maabot sa poko mas umenos sampulong armadong mga lalaki.
Nagsapo nin lugad sa manlaen laen parte kan saindang lawas an mga biktima na tulos man na pigdalagan sa ospital.
Sa ngunyan, nagpapadagos pa an imbestigasyon kan mga otoridad mantang pighahanap na an mga taong responsable sa nasambitang pambabadil.
