NAGA CITY- Nagpakol sa tolong firecracker-related injuries an nairehistro kan Naga City Police Office sa siyudad nin Naga makalihis an pagselebrar kan Bagong taon.
Sa entrevista kan Bombo Radyo Naga ki PSSGT. Robert Aguillon, Assistant Public Information Officer kan Naga City Police Office, sinaysay kaini na kan nakalihis na December 27, 2024 igwang naputukan na menor de edad mantang kapot pa an labintador mantang kan nakalihis na December 31, 2024 igwang nairehistrong duwang biktima kan kwitis.
Sigun sa opisyal an mga nasambitan ng indibidwal an nasa salbado naman na kamugtakan.
Dugang pa kan opisyal, sa mga nasambitan ng biktima, mayo man soboot naggamit nin boga nin huli ta nakatabang nin marhay an mahigot na pagkumpiskar sa mga ini tanganing malikayan an mga insidente na igwang kinaaraman sa boga.
Pigtawan duon pa kan opisyal, ka nakalihis na Bagong taon, piglimitaran sana sa Community Fireworks Display an mga pagpaputok para sa kasalbaduhan kan gabos.
Sa ngunyan, nagpasalamat na sana si Aguillon sa kooperasyon kan gabos para sa matuninong asin matrayumpong pagsabat kan New Year.
