NAGA CITY– Gadan an tolong katao mantang irido man an sarong menor de edad makalihis maaksidente an sarong motorsiklo sa banwaan kan Macalelon, Quezon.
Sa entrevista kan Bombo Radyo Naga ki PS/Insp. Jun Balilo, Chief of Police (COP) kan Macalelon-PNP, sinaysay kaining mantang binabagtas kan motorsiklong minamaneho ni Ricardo Valdez kaibahan an 17-anyos na backrider kan mahagop kaini an duwang pedestrian pag-abot sa pakurbang parte kan lugar.
Katakod kaini, nagsapo nin lugad sa manlaenlaeng parte kan saindang lawas an mga biktimang sinda Jun Jun Tan asin Jerry Fereyra kaibahan an driver asin backrider kan nasambitan ng motorsiklo.
Tulos man suboot idinalagan sa ospital an apat alagad idineklara nang dead on arrival kan mga doktor sinda Valdez, Tan asin Ferrer mantang padagos man na binubulong ngunian an menor de edad.
Sa ngunian, nagpagirumdom na sana an opisyal sa mga motorista na mag-ingat urog na ta namamatean suboot an panaka-nakang pag-uuran sa nasambitan ng lugar.
