NAGA CITY- Irido an tolong indibidwal makalihis an banggaan kan duwang lunadan sa kalabaan kan tinampo sa Zone 1, Brgy. San Ramon, Lagonoy, Camarines Sur.
Binisto an mga nairido na sinda Modesto Orillosa, 48 anyos, driver kan motorsiklo, Rico Oliver, 32 anyos, driver kan motorsiklong may sidecar asin an backrider kaini na sarong menor de edad.
Sa entrevista kan Bombo Radyo Naga ki PO3 Mark Anthony Saremo, imbestigador kan nasambitan ng aksidente, sinaysay kaini na binabagtas sana suboot kan motorsiklong minamaneho ni Orillosa an kalabaan kan tinampo sa nasambitan ng lugar kan aksidente kaining masabitan an kasabatan kaining motorsiklong may sidecar na minamaneho ni Oliver lunad an pasahero kaini.
Huli sa pangyayare, nagsapo nin lugad sa manlaenlaeng parte kan saiyang lawas an mga biktima na tulos idinalagan sa ospital tanganing ipabulong.
Sa ngunian, nagpapadagos pa an imbestigasyon kan mga otoridad manungod sa nasambitan ng pangyayari.
