NAGA CITY– Lugadan an tolong menor de edad makalihis maaksidente an sarong motorsiklo sa Brgy.San Isidro, Libmanan, Camarines Sur.
Sa impormasyon na nakua kan Bombo Radyo Naga hale sa Camarines Sur Police Provincial Office (CSPPO), napag-araman na pigbabagtas kan motorsiklong piigmamamaneho ni Jeffrey Mancilla,16-anyos an tinampo sa lugar kaiba an backrider na si Ken Jones Arcaya, 14-anyos.
Alagad pagabot sa nasambitang lugar, nahagop kan mga ini an naglalakaw na 14-anyos na daragita.
Katakod kaini, nagsapo nin lugad sa manlaen-laeng parte kan lawas an nasambitang ng aki kaibahan an lunad kan motor na tulos mang idinalagan sa ospital para maninigong asistensya medikal.
Sa ngonyan, nagpapadagos pa an imbestigasyon kan mga otoridad manungod sa nasambitang pangyayari.
