Pigsunad na nin kaso kan Department of Education o DepEd an tulong opisyal na imbwelto soboot sa katiwalian sa Senior High School (SHS) Voucher Program.
An SHS Voucher Program an sarong government subsidy program para sa mga kuwalipikadong estudyante alagad nagluluwas na may mga naggagamit kaini na ibang eskuwelahan na kuwestiyonable an paggamit.
Kasong Falcification of Commercial Documents an pigsunad kan DepEd sa Caloocan Prosecutors Office. Ini an huli sa fraudulent billing sa mga senior high school students sa Caloocan City.
Enot na nagluwas na nasa 115 “ghost students” an nakalista komo benepisaryo kan SHS Voucher Program.
Alagad sa pagdangog kan Senado nadiskubre kan mga lehislador na lumobo pa an undocumented beneficiaries sa 19,000 SHS students.
Pigsierto man ni DepEd Sec. Sonny Angara na saindang papanimbagon sa ley an gabos na imbwelto sa maanomalyang paggamit kan voucher program kan gobyerno
