NAGA CITY- Irido an apat na persona makalihis mabanggan kan motorsiklo an sarong pedicab sa kalabaan kan tinampo sa Brgy. Bagumbayan, Libmanan, Camarines Sur.
Binisto an mga biktima na sinda Daniel Duran, 41 anyos, driver kan pedicab, mga pasahero na sinda JoaneLlame, 31 anyos asin sarong menor de edad, asin si Dan Lloyd Corral, 18
anyos, driver kan motorsiklo.
Sa nagunong impormasyon kan Bombo Radyo Naga napag araman na binabagtas ninda Duran asin kan mga pasahero kaini lunad nin pedicab an kalabaan kan tinampo sa
nasambitan ng lugar kan bigla ining mabanggaan sa likudang parte kan motorsiklong minamaneho ni Corral rason tanganing matumba an nasambitan ng pedicab.
Huli digdi, nagsapo nin lugad sa saindang lawas an mga persona na tulos idinalagan sa ospital tanganing ipabulong.
Katakod kan pangyayare tinawan nin Citation Ticket an driver kan pedicab mantang TOP man ipig-siyu sa driver kan motorsiklo.
Sa ngunian, nagpapadagos pa man an imbestigasyon kan mga otoridad sa nasambitan ng insidente.
