Labi 30% kan kabilogang paggastos kan gobyerno an nagin pambayad-utang kan nasyon, imbes na maitagama sa mga presenteng proyekto.
Sigun sa data kan Freedom from Debt Coalition, nakakamundo na dakulang parte kan kwarta an nauubos sa debt servicing.
Kun tutuuson, pwede kudta ng magamit an pondong ini sa mas importanteng programa siring kan edukasyon, salud, asin napapanahong imprastraktura.
Tinuyaw man ninda an Automatic Appropriations Law na nagsusugo na otomatikong igwang nakatagamang pondo para sa utang antes sa ibang gastuson.
Sa 2026 national budget, labi P1.9 trilyon an ipigtagama para debt service.
Sigun sa Department of Budget and Management, parte ini kan estratehiya tanganing mamantinir an fiscal sustainability asin mabawasan an budget deficit.
Nagtutubod an grupo na dapat nang repasuhon an ley tanganing mas matawan nin prayoridad an serbisyong panlipunan kaysa sa pagbabayad-utang na gikan pa sa mga nakalihis na administrasyon.
