Gadan an 30 katao sa landslide sa sarong landfill sa Guinea huli sa magdamlag na makusog na pag-uran sa nasyon.
An insidente nangyari sarong semana matapos ipahayag kan gobyerno an planong ipasarado an site asin ilipat an mga basura dahil sa peligrong dara kaini, lalo na kun tag-uran.
Segun sa report, nangyari an landslide pasado alas-dos nin mag-oomagahon sa Gbessia commune sa Conakry, sigun yan sa pahayag kan gobyerno.
Uminabot sa 30 an death toll, anom an kritikal, asin 16 pa an nairido.
Naggamit na an mga rescue worker nin excavator asin iba pang kagamitan tanganing halughugon an lugar kan landslide.
Binisita ni Prime Minister Amadou Oury Bah an landfill kan Dominggo tanganing siyasaton an hewas kan trahedya asin pamayuhan an pagresponde kan gobyerno.
