Pigbubusol ni Senador Win Gatchalian an pagbilog kan sarong 30-taong panghaluyan na plano sa imprastraktura tanganing malikayan an mga budget insertion asin masierto an mas halangkaw na bwelta o benepisyo sa mga proyektong pinopondohan kan gobierno.
Sa irarom kan Senate Bill 1652 o “Masterplan for Infrastructure and National Development Act (MIND)”, obhetong magkaigwa nin panghaluyang masterplan na maserbeng gabay sa pagpapautob kan importanteng proyekto dawa magrani an administrasyon.
Obheto man kaining masierto na an pondo maitatagama sa mga proyektong direktang mapapakinabangan kan mga namamanwaang nagbabayad nin buwis.
Pigtawan duon ni Gatchalian na kaipuhan halion an impluwensiyang pulitikal sa pagpili asin pagpautob kan mga proyekto, orog na dakulang parte kan pambansang badyet an pigtagama sa imprastraktura.
Basado sa datos kan Department of Budget and Management, naglangkaw nin average na 7.9 porsiyento kada taon an pondong nakatagama sa national infrastructure projects puon 2022 hasta 2025.
Mientrastanto, piglaoman man na sa oras na maisabatas an prosopwesto. Masisierto an dagos-dagos na pagpapautob kan importanteng proyekto asin an maayos na paggamit kan pondo kan gobierno.
