Aram baya nindo ka-Bombo nagkasararo an labi 300 na katawo sa siyam na world island tanganing maabot an Guinness World Record para sa “most people snorkeling simultaneously” komo parte kan kampanya para sa marine conservation.
Pinangenotan kan mga snorkeling association na Freedive Maldives asin Siyam World Maldives an makasaysayang event kan nakalihis na December 5, 2025, kun saen 305 participants an sarabay na naglangkaw asin nag-snorkel sa kadagatan.
Sigun ki organizer Fahd Faiz, bako sana ini para sa Guinness title kundi tanganing itukdo an “reef-safe habits” siring kan pag-iingat sa coral reefs asin pagrespeto sa wildlife.
Nagin matrayumpo an record attempt sa tabang kan mga lokal, turista asin suporta gikan ki Herbert Nitsch, na bistado komo “Deepest Man on Earth”.
Naglalaom an grupo na masirbi ining inspirasyon tanganing mas mapangatamanan pa kan tawo an yaman kan kadagatan.
