NAGA CITY- Gadan an sarong padre de pamilya makalihis pagbabadilon sa Lapid’s Ville, Brgy. Lumingon, Tiaong, Quezon.
Binisto an biktima na si Edgardo Angeles, 47-anyos.
Sa nakuang impormasyon kan Bombo Radyo Naga, napag-araman na bigla na sanang pinaputukan nin duwang beses ni Jaime Delos Reyes, 50-anyos an biktima na tinamaan sa payo.
Tulos man na idinalagan sa ospital si Angeles alagad idineklara nang dead on arrival kan mga doktor.
Napag-araman na burat an suspek kan mangyari an krimen.
Sa ngunian, pinaghahanap na kan mga otoridad an suspek na tulos nagdulag makalihis an insidente.
