Nagpakol na sa labi sa 300 katao an gadan sa northwest Pakistan makalihis an duwang aldaw na dagos-dagos na makukusog na pag-uran asin pagbaha.
Nagpapadagos an rescue efforts asin man clearing kan mga naka-ulang na mga tinampo kasabay pa kan nagpapadagos na pagluluwas nin emergency funds.
Nagkawsa nin pagrasay nin mga establisyemento, landslide, matitinding pagbaha asin makukusog na kidlat magin an pinakamatinding uran na kawsa kan monsoon season sa presenteng taon.
Hasta kan nakalihis man na Sabado, Agosto 16, nagpakol na sa 307 an kumpirmadong gadan asin kadakol pa an mga nawawara orog na sa mga rehiyon kan Khyber Pakhtunkhwa, sigun sa Provincial Disaster Management Authority.
Magin an India asin man Pakistan, sinalanta man kan makukusog na pag-uran asin pagbaha sa nakalihis na semana.
