32 an binawian nin buhay kan mabagsakan nin crane an sarong tren

Nagpakol sa 32 katawo an binawian nin buhay makalihis na mabagsakan nin crane an sarong tren sa north-eastern Thailand.

Nadiskaril asin nawasak an nagkapirang carriages antes masulo an tren kan magbagsak an construction crane.

Igwa nin labi 170 na pasahero an nakasakay sa tren kan mangyari an insidente.

Naglunsar nin imbestigasyon an State Railway of Thailand kun saen pigsierto ninda na paninimbagon an construction company na responsable sa aksidente.

Gikan sa Bangkok an tren asin pasiring sana ini sa Ubon Ratchathani kan mangyari an aksidente.