(UPDATE) NAGA CITY- Nakaabot na sa Pasacao Port sa probinsya nin Camarines Sur an 32 na mga pasahero na nakalunad sa nagkaaberyang motorized banca sa kadagatang sakop kan Masbate subanggi.
Sa entrevista kan Bombo Radyo Naga ki Lt. Marlowe Acevedo, tagapagtaram kan Philippine Coast Guard (PCG)-Bicol, sinaysay kaini na alas-11 nin banggi suodma kan marescue ninda an motorized banca na nagkaaberya sa tahaw kan kadagatan sa banwaan nin San Pascual, Masbate.
Alas-5 suboot nin aga ngonyan na aldaw kan magbyahe na pasiring sa probinsya nin Camarines Sur an 27 na mga pasahero siring man an limang mga crew kan nasambitang baroto.
Sigon ki Acevedo, pig-iimbestigaran pa ninda hasta sa ngonyan kun papano nakabyahe an nasambitang motorized banca na posibleng dae suboot nag-agi sa mahigot na inspeksyon kan PCG.
Posibleng mahampang man sa maninigong penalidad an crew asin maysadiri kan nasambitang motorized banca.
