ARAM baya nindo mga ka-Bombo, pigkokonsiderar na an sarong flight attendant gikan sa Martinique sa French Caribbean island an pinakagurang na nagtrayumpo nin Miss France pageant.
Si Angelique Angarni-Filopon an nanggana kan nasambitan ng titulo makalihis na baguhon kan organizers an panundunan na pwedeng makabali an igwa nin edad na labi sa 24 siringman an mga igwa nin agom o ina.
Kan 2011 nanggana na si Angelique komo first runner up kan Miss Martinique competition kun saen 20-anyos pa sana ini kaidto. Igwa nin kabilugan na 30 kandidata an nagbali magin an mga doctors asin dentista an kabali sa finals.
Nagpatalbugan an mga ini sa swimsuits, regional costumes asin ballgowns. Irerepresent na ni Filopon an France sa Miss Universe pageant para sa masunod na taon.
