36 stranded passengers kan floating restaurant sa Camaligan, narescue kan PCG

NAGA CITY – Labi 30 katao an narescue kan Philippine Coast Guard (PCG) sa sarong Floating Restaurant sa banwaan kan Camaligan, Camarines Sur.

Sa nakuang impormasyon kan Bombo Radyo Naga sa PCG-CamSur, napag-araman na nasa 36 stranded passengers an lunad kan sarong bangka kan nasambitan ng Floating Restaurant na makukua sa Bicol River na sakop kan Brgy. Sto. Domingo.

Napag-araman na nagluwag an propeller sa propeller shaft kung kaya nagdesisyon na si Boat Capt Cesar Alacar Jr na i-angkla an bangka para dae madara kan makusog na sulog kan tubig.

An naturang floating resturant an saro sa pigbibisita ngunian kan mga turista sa nasambitan ng banwaan.