Naggastos an Estados Unidos nin $37.5 bilyon sa presenteng giyera laban sa Iran, segun ki Defense Secretary Pete Hegseth.
Sa bagay na ini, an administrasyon ni Trump naghahagad nin dugang na $87.6 bilyon, na an $67 bilyon para sa mga operasyon sa Middle East, tanganing panoan an kakulangan nin mga bala, kagamitan, asin sweldo para sa mga soldados.
Sa saiyang enot na pagluwas sa Capitol Hill poon kan magpoon an giyera sa Iran, tanganing pag-olayan an pagpopondo kan Pentagon para sa masunod na taon piskal, an pagtaram ni Hegseth naputol nin apat na beses sa laog sana nin tolong minuto kan mga nagkukururahaw na mga demonstrador.
Kabali sa mga kurahaw kan mga raliyista an “Stop bombing our children in Iran and Palestine!” at “This is illegal!”.
An pamayo kan Senate Appropriations Committee na si Susan Collins temporaryong pinundo an pagdangog tanganing tugutan an Capitol Police na iiba an mga nagpoprotesta kontra sa gera paluwas sa kwarto.
Apwera sa mga raliyista, si Hegseth nakaresibe man nin magabat na kritisismo gikan sa mga senador arog ni Sen. Patty Murray, na nagpatanid na an iriwal pwedeng magin giraray sarong “lifelong war” na luway-luway na nawawaran nin suporta kan publiko.
