NAGA CITY- Inabisuhan na suboot kan Municipal Disaster Risk Reduction and Management Office (MDRRMO) sa banwaan nin Del Gallego, Camarines Sur an mga residente kaini na untukan na an pagkukua nin mga inaatong na sanga nin niyog sa Kilbay River urog na kun nag-a-apaw an lebel nin tubig.
Sigon ki Elberto Adulta, head kan Municipal Disaster Risk Reduction and Management Office (MDRRMO) Del Gallego, sinaysay kaini na pigpapangalad an pagkua kan mga residente sa lugar nin mga sanga nin niyog na inaatong urog na kun nagtataas an lebel nin tubig sa Kilbay River.
Posibeng mabugtak suboot sa peligro an mga residente huli sa saindang ginigibong aktibidad.
Sigon ki Adulta, kinatudan na kan mga residente sa lugar an pagkukua kan mga sanga nin niyog na inaatong sa nasambitang salog na kun magkakaigwa nin pagbabaha.
Katakod kaini, mahigot suboot na binabantayan kan mga pulis an nasambitang lugar para malikayan an pangyayari.
