NAGA CITY– Dagos nang nasunadan nin patong-patong na kaso an apat na Chinese Nationals na nadakop kan National Bureau of Investigation (NBI) na nasa likod kan mga iligal na pagmimina sa banwaan kan Paracale, Camarines Norte.
Sa entrevista kan Bombo Radyo Naga ki Atty. Thomas Enrile, Regional Chief kan NBI-Bicol, sinaysay kaining nasa kamot na kan Bureau of Jail Management and Penology (BJMP) sa banwaan kan Daet an mga suspek na sinda Han Bing, Zhang Ming, Wang Han-Qing asin Sun Yu.
Sigon ki Enrile, nahahampang an mga suspek sa mga kasong pagbalgar sa RA 7942 o Philippine Mining Act, RA 9516 o Illegal Possession of Explosives asin RA 9175 o Illegal used and possession of Chainsaw na mayong inirerekomendang pyansa.
Narekober man suboot sa mga ini an manlaenlaeng mining paraphernalia, chainsaw asin mga mineral.
Meintrastanto, sigon ki Enrile, nakikipag-tumabangan na man sinda sa Bureau of Immigration (BI) tanganing matukdo kun legal an paglaog kan nasambitan ng mga chinese nationals sa
nasyun.
