NAGA CITY- Irido an apat na persona makalihis an nairehistrong magkasuway na aksidente sa tinampo sa banwaan nin Pili, Camarines Sur.
Binabagtas suboot kan motorsiklo na minamaneho ni Ronald Nacario, 32-anyos an tinampo sa barangay Tagbong kan aksidente ining mahagop kan kasabatan na n motorsiklo na minamaneho ni Timoteo Cilot, 37-anyos.
Nagkaturumba sa sementadong tinampo an driver kan duwang motorsiklo na nagsapo nin lugad sa saindang mga lawas na tulos man na pigbulong.
Mientrastanto, nairido man an sarong 12-anyos na aking babae makalihis na mahagop nin motorsiklo na minamaneho ni Lorenzo Sinfuego an saiyang padyak.
Binabagtas suboot kan motorsiklo ni Sinfuego an kalabaan kan tinampo sa barangay San Jose kan mahagop kaini an padyak kan 12-anyos na aking babae.
Nagsapo nin lugad sa saindang lawas an duwang inidbidwal na tulos man na pigdalagan sa ospital para maipabulong.
