Haros 4,000 banyaga an ipinatalsik kan Pilipinas huli sa pagkakaembwelto ninda sa operasyon kan mga Philippine Offshore Gaming Operators (POGOs), sigun sa Presidential Anti-Organized Crime Commission (PAOCC).
Sigun ki PAOCC spokesperson Winston John Cruz, maski ipinagbawal na an POGOs, nagpadagos an mga ini sa anyong sararadit na scam hubs sa mga condo, subdivision, asin private resorts.
Sa presenten, nasa 500 undocumented POGO workers pa an nasa kustodiya kan PAOCC.
Kasuarin sana, 120 Chinese nationals an na-deport, na pigbalihan pa kan mga opisyal pabalik sa China.
Sinaysay man ni Cruz na pigsusunodan na ninda an daloy kan kwarta gikan sa mga POGO gamit an mga “junket” o private gaming tours.
Pigkarkulo kan PAOCC na 9,000–10,000 Chinese nationals pa an nagtitinir sa nasyon maski kanselado na an saindang mga work visa.
Mayo man nin centralized system an gobyerno tanganing subaybayan an saindang mga aktibidad.
Ipinagbawal ni Presidente Marcos Jr. an POGOs kan nakalihis na taon huli sa pagkakaembwelto sa human trafficking, money laundering, asin iba pang krimen.
