NAGA CITY- Lugadan an apat katao kaibanan an duwang menor de edad makalihis magsalpukan an duwang motorsiklo sa Barangay Tambo, Pamplona, Camarines Sur.
Sa nagunong impormasyon kan Bombo Radyo Naga, napagaraman na mantang binabaybay kan motorsiklo na pigmamaneho ni Angel Padillo, 40-anyos an kalabaan kan tinampo sa nasambitan na lugar nahagop kaini an sarong pang motorsiklo na pigmamaneho naman ni Efren Avila, 44-anyos kaibanan an 6 asin 8-anyos na aki.
Huli sa kusog kan pagkakabangga, nagsapo nin lugad sa manlaen laeng parte kan lawas an duwang driver asin an duwang menor de edad na tulos man idinalagan sa ospital.
Sa ngunyan, nagpapadagos pa an imbestigasyon kan mga otoridad katakod kan nasambitan na insidente.
Advertisement
Advertisement
